屋里厢吃夜饭（作者：丁日青朗读：哈贝视频制作：丁日青）原创丁日青上海老底子
上海老底子每天呈送精彩文章一组
打开尘封的记忆，寻觅往昔的岁月
叙上海老底子事忆上海老底子人
诉上海老底子情
上海味道
屋里厢吃夜饭
作者：丁日青
朗读：哈贝
视频制作：丁日青
解说词：
1、上一集介绍搿是《酒馆里吃大餐》，今朝介绍展览会第三部分《屋里厢吃夜饭》。
2、到酒馆里品尝美食毕竟是难板搿，一般侪是在屋里厢吃夜饭搿。为啥要讲吃夜饭呢？因为日里厢上班、上学，只有夜饭才是一家人聚了一道吃搿。既闹猛又有味道。特别是想吃姆妈烧搿小菜。
3、展览会展示了上海七、八十年代的家宴。当然，迭搿估计是请客或过年过节的夜饭。
4、加丰盛搿家宴首先是家庭主妇有相当好搿厨艺，还要买迭眼小菜也是勿容易搿。
5、那末先来看看上海老底子搿小菜场。
6、迭搿辰光阿姨爷叔们天勿亮就去小菜场买菜了。早一点菜多又新鲜。
7、侬看。迭搿还是十六两制搿老式称。
8、阿拉南市老城厢比较大搿马路菜场有老西门搿唐家湾菜场，大东门搿紫霞路菜场。
9、后来乌鲁木齐路菜场首先推出了盆菜，大大方便了烧饭搿主妇们。
10、侬经历过票证供应搿年代伐？肉票、鱼票、豆制品票。买肉先收肉票，再收钞票。
11、改革开放后，菜场里搿货色越来越丰富了。
12、小菜场卖搿就是屋里平常辰光要吃搿小菜。展览会上陈列了上世纪三、四年代，有一位华英女士在《申报-衣食住行周刊》开辟了《一星期经济菜单》。
13、每期七天，每天都是四个小菜。这些菜单按季节轮换，侪是当时小菜场买得着的，也是一般中等收人搿老百姓买得起搿。
14、下面就根据迭些菜单，介绍几只姆妈烧搿小菜。四喜烤麸，面拖蟹，芹菜肉丝，生煸刀豆，干煎带鱼，香辣螺蛳。
15、还有：葱油蚕豆、油焖茭白、清蒸小黄鱼、炖蛋、红烧豆腐、拌萝卜丝等等。
16、我特别要讲一讲龙虾片，现在好像已经勿上台面了。阿拉小辰光特别欢喜吃。每当请客搿辰光，龙虾片既便宜又方便，油里一氽，满满堆起来一大盆，牢有卖相搿。
17、小菜烧好了，等大家转来吃夜饭。
18、上海人蛮顾家搿，落班后，以前就骑了自行车，乘无轨电车。现在骑电动车，乘公交大巴，地铁。想赶快回到屋里厢。
19、勒拉屋里厢老老小小一道吃夜饭，谈谈家常，温馨又热闹。屋里吃夜饭，上海味道哉！
20、请看下一集《茶余饭后》
鸣谢：丁日青先生赐稿分享！
丁日青先生热文
原标题：《屋里厢吃夜饭（作者：丁日青朗读：哈贝视频制作?：丁日青）》
